Кражба во училиштето во селото Вруток

Освен, кражбата во лекарските амбуланти во Гостивар, за која информиравме вчера, во текот на продолжениот викенд се случила и кражба во основното училиште „Лирија“ во Вруток.

Како што информираат ид Секторот за внатрешни работи, крадците влeгле внатрe во објектот преку необезбедениот подрум и насилно ги отвориле вратите од двете училници на приземјето. Од таму одзеле 24 компјутерски монитори, откако ги пресекле сите кабли со кои тие мрежно биле поврзани на главниот компјутер.

Со одземањето на мониторите противправно се стекнале со имотна корист која се проценува на околу 40 илјади денари, а причинетата материјална штета изнесува 15 илјади денари.

Од полицијата соопштуваат дека е извршен увид, се расветлува пријавеното и се работи на откривање на сторителите.