Крцкав чипс од тестенини – совршена закуска за секоја прилика

Чипсот од тестенини е вкусна и едноставна закуска која комбинира крцкавост и богат вкус. Со само неколку состојки и брза подготовка, овој рецепт е идеален за споделување или уживање во секое време. Совршено се комбинира со различни сосови, што го прави одличен избор за секоја прилика.

Потребни состојки:

• 220 тестенини (макарони, вртени макарони или машнички)
• 1 лажица маслиново масло
• 3 лажици рендан пармезан
• половина лажичка мешавина зачини
• половина лажичка лук во прав
• сол и бибер

Подготовка:

Во поголемо тенџере зовријте вода за тестенините и посолете ја. Сварете ги тестенините според упатството на пакувањето и исцедете ги.

Измешајте ги тестенините со маслиново масло, пармезан, зачини, лук во прав, сол и бибер. Можете да ги прилагодите зачините по ваш вкус и да користите други ако сакате.

Печете во рерна или печка на топол воздух на 200 степени 12 до 15 минути, вртејќи ги неколку пати за време на печењето.

Тестенините послужете ги со сос по ваш избор – можете да направите домашна салса, а крцкавите тестенини одлично ќе се комбинираат со павлака ,хумус, но и со намаз од цвекло и фета сирење.