Кривична и притвор за албанските државјани фатени со 2 килограми марихуана

Секторот за внатрешни работи Тетово-Надворешна канцеларија за криминлистички работи Гостивар, вчера (12 јуни) поднесе кривична пријава против албанските државјани Е.Л. на возраст од  18 и Е.Ц., 33 годишен поради основи на сомнение дека сториле кривично дело „неовластено производство и пуштање во промет на наркотични дроги, психотропни супстанци и прекурсори“.

Двајцата албански државјани  се превезувале во патничко возило „Голф“ со албански регистарски таблици, кое на 11 јуни  оваа година околу 23 часот и 10 минути, во месноста „Жировничко анче“ било запрено од полициски службеници на Полициската станица за граничен надзор Жировница. При нивен и преглед на возилото, во ранец пронајдени им се околу два килограми марихуана, која планирале да ја продадат во Гостивар, соопшти СВР.

Осомничените вчера се изведени пред судија на претходна постапка на Основниот суд Гостивар, кој им определил мерка привтор од 30 дена и предадени се во КПУ Затвор „Скопје“ за издржување на мерката.