Кривична пријава за екс директор на училиште од Гостивар

Надворешната канцеларија за криминалистички работи Гостивар, денеска информира дека е поднесена кривична пријава против триест и осум годишник од Гостивар поради постоење основи на сомнение за сторено кривично дело “злоупотреба на службена положба и овластување“.

Како стои во известувањето на полицијата, во периодот од ноември 2017 година до март 2018 година пријавениот, како директор на средно општинско училиште во Гостивар, присвоил мобилен телефон, кој бил сопственост на училиштето, додека во повеќе наврати, од сметката на училиштето, искористил вкупно 12.000 денари за гориво, без да приложи соодветна документација.

Исто така на 17.02.2018 година пријавениот спротивно на Правилникот за начинот на изведување на училишните екскурзии на учениците од средните училишта, овозможил да се организира и спроведе еднодневна екскурзија во Р.Косово.