Кривична пријава за жител на Жировница, поради „неизвршување на судска одлука“

Надворешната канцеларија за криминалистички работи Гостивар поднесе кривична пријава против шеесетгодишен жител на село Жировница, Општина Маврово и Ростуше, поради постоење основи на сомнение за сторени кривични дела „неизвршување на судска одлука“ и ,,бесправно градење“, информираат од Министерството за внатрешни работи.

Во текот на 2018 во село Жировница, пријавениот како инвеститор, без издадено одобрение за градба од надлежен орган, изградил куќа. После тоа, иако со решение од Основен суд Гостивар му била изречена привремена мерка и забрана за продолжување на градежни дејствија, тој не се придржувал кон одлуката и не постапил во согласност со решението.