Кривична за две лица – го оштетиле гостиварското шумско за над половина милион денари

Надворешната канцеларија за криминалистички работи Гостивар при секторот за внатрешни работи Тетово поднесе кривична пријава  против двајца жители на гостиварското село
Чегране на возраст од 26 и 23 години, поради постоење основи на сомнение за сторени кривични дела “соизвршителство“  во врска со  “пустошење на шума“. МВР соопшти дека пријавените, подолг временски период, во државна шума атар на село Корито, на местото викано „Горен Јелов Дол“, со моторна пила вршеле бесправна сеча на 287 букови стебла, а потоа исечените дрва со  возило  ги превезувале до неутврдена локација. На почетокот на септември, пријавените во село Корито  на местото викано „Горен Јелов Дол“ биле затекнати од жители  на село Корито,  како превезуваат огревни дрва, по што почнале да бегаат, и на местото викано „Ливади“ ги растовариле дрвата. По извршен увид биле пронајдени  287 пенушки од букови стебла, а на влезот од шумата била пронајдена  бесправно исечена дрвна маса од буково огревно дрво од околу 19 метри кубни.

На овој начин пријавените ја оштетиле ЈП-Македонски шуми ШС-Шар Гостивар со 43.21 метри кубни дрвна маса, односно за 583.335 денари.