Кривична за инвеститор од Гостивар: Ја тргнал лентата од градежна инспекција и продолжил со дивоградбата

Надворешната канцеларија за криминалистички работи Гостивар поднесе кривична пријава против 67 годишен гостиварец поради постоење основи на сомнение за сторени кривични дела ,,бесправно градење“ и ,,симнување или оштетување на службен печат или знак“.

МВР соопшти дека на 6 мај годинава на локација во Гостивар, од страна на овластен градежен  инспектор, при увид на градба на колективна зграда од страна на пријавениот, како главен инвеститор, било констатирано дека истиот не поседувал комплетна документација и објектот не бил изведен согласно одобрението за градба.

„По ова, на 20 мај, за објектот било донесено решение за забрана на понатамошна работа, и била поставена лента и налепница со ознаки од градежна инспекција. На 3 август инвеститорот ги симнал и оштетил претходно поставениот службен печат и знак на наведениот објект, и продолжил со градба на истиот.“, извести Министерството за внатрешни работи.