Гостивар
Кривична за непочитување на протоколите во угостителски објект во Гостивар
Државниот пазарен инспекторат во првите пет дена од октомври извршил вкупно 160 надзори во целата држава. Во контролите изречени биле 8 решенија и 22 платни налози , а поднесени и 18 кривични пријави за непочитување на протоколот за работа на угостителските објекти. Од овие 18 кривични пријави, 10 се за правни субјекти во Скопје, 2 во Струмица, 3 во Битола и по 1 кривична пријава во Охрид, Струга и Гостивар.
Истиот период, од страна на инспектори за труд на државно ниво извршени се вкупно 228 надзори во правните субјекти. Во исконтролираните правни субјекти биле опфатени вкупно 3.312 вработени и било констатирано дека нема ослободени вработени по основ родител на дете до 10 години, двајца вработени се ослободени од работа по основ на хронична болест и 3 работнички се ослободени поради бременост. Дополнително е констатирано дека генерално се почитува обврската за носење на маски како заштитна опрема. Од страна на Државниот инспекторат за труд донесени биле 10 решенија и 7 укажувања на работодавачите за неносење заштитни опрема, за користење средства за дезинфекција, проветрување, ослободување на вработените од ризичните групи и сл.
„Периодот кој следи, е особено важен за сите нас. Донесените протоколи се важни за да се заштити здравјето на сите граѓани, но и да се обезбедат потребните услови за функционирање на компаниите, особено што надлежните најавуваат дека во овие есенски месеци се очекува зголемен број на новозаразени од коронавирусот. Затоа, би сакала да апелирам до сите правни субјекти и граѓани да ги почитуваат владините мерки и препораки во насока на превенирање и заштита од ширењето на коронавирусот КОВИД-19. Инспекциските служби со сите свои капацитети продолжуваат засилено да работат на терен и потенцирам дека нерегуларностите и непочитувањето на владините мерки и препораки најстрого ќе се санкционираат без исклучоци“, изјави претседателката на Инспекцискиот совет, Магдалена Филиповска-Грашкоска.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар