Кривична за проневера на пензии од над 223.000 денари во Гостивар

Вработен во АД ,,Македонски пошти“ се товари за кривични дела за проневера на пензии во вредност од над 3.700 евра.

МВР соопшти дека Надворешната канцеларија за криминалистички работи Гостивар поднесе кривична пријава против 50 годишник од село Беловиште, поради постоење основи на сомнение за сторени кривични дела „злоупотреба на службената положба и овластување“, ,,проневера во службата“ и „фалсификување исправа“.

Во текот на јануари 2019 година пријавениот, како вработен во Македонски пошти, фалсификувал потписи на 23 налози за исплата на пензии, по што ги присвоил паричните средства наменети за корисниците, со што се стекнал со противправна имотна корист од 223.533 денари.