Кривична за пустошење шума: Гостиварец се товари за бесправна сеча на 85 дабови стебла

Надворешната канцеларија за криминалистички работи Гостивар поднесе кривична пријава против 36 годишен жител на Гостивар поради постоење основи на сомнение за сторени кривични дела “пустошење на шума“, “кражба на дрва“ и “измама“.

Како што наведува МВР, во периодот од декември 2017 до 12.05.2018 година во атарот на селото Церово-гостиварско од шума во сопственост на Република Македонија извршил бесправна сеча на 71 дабово стебло со вкупна дрвна маса од 17,3 м3, додека од парцела сопственост на 70 годишен жител на Гостивар, извршил бесправна сеча на 14 дабови стебла со вкупна дрвна маса 7,70 м3.

Бесправно исечената дрвна маса, пријавениот ја транспортирал до купувачи. Пријавениот се стекнал со противправна имотна корист од скоро 270 илјади денари, ги оштетил ЈП “Македонски шуми” за 159.930 денари, сопственикот на парцелата за 80.500 денари и еден купувач за околу 20 илјади денари.