Кривични за двајца гостиварци кои се обиделе физички да нападнат полицаец

Надворешната канцеларија за криминалистички работи Гостивар поднесе кривична пријава против Ј.М. (44) и шеснаесетгодишник, двајцата од Гостивар, поради постоење основи на сомнение за сторено кривично дело ,,спречување службено лице во вршење службено дејствие”, соопшти МВР.  Настанот датира од трети март и според соопштението на полицијата, околу 22.45 часот на ул. „Живко Брајковски” во Гостивар, при контрола на моторно возило, управувано од 14-годишен син на првопријавениот, шеснаесетгодишникот се обидел да му ги земе документите и физички да нападне полициски службеник.  После тоа, првопријавениот го стартувал возилото и побегнале.

„По кратко време, пријавените  се вратиле и се обиделе физички да се пресметаат со полицискиот службеник, но биле спречени од полициски службеници и биле лишени од слобода и задржани во Полициската станица Гостивар“, известува МВР.