Кривични за повеќе лица од Долна Бањица – направена штета од над 3.600 евра

Надворешната канцеларија за криминалистички работи Гостивар поднесе кривична пријава против 26 годишник од село Долна Бањица, за сторени кривични дела ,,напад врз службено лице при вршење работи  на безбедноста“, ,,пустошење на шума“ и  ,,кражба“ , како и против уште три лица од истото село на возраст од 48, 31 и 29 години за помагање во врска со ,,пустошење на шума“ и ,,кражба“.

Како што наведува МВР, во јули годинава  на регионалниот  пат Гостивар – село Сушица, од страна на полициски службеници било запрено патничко моторно возило, управувано од првопријавениот, натоварено со огревни дрва, во кое сопатници биле и други дајца од пријавените, при што возачот со маневрирање на возилото му нанел телесна повреда на полицискиот службеник и побегнале. По преземени мерки, било утврдено дека во периодот од јануари 2018 до 11.07.2018 година  во атар на село Сушица, на парцели сопственост на ЈП “Македонски шуми”, првопријавениот, заедно со другите двајца пријавени извршиле бесправна сеча на  21,59 м3 дабово огревно дрво, додека најстариот од нив управувајќи патничко  моторно возило, ги известувал истите за присуство на полициски службеници на наведеното подрачје. Со ова пријавените се стекнале со противправна имотна корист од 226.695 денари, на штета на ЈП “Македонски шуми”, соопшти МВР.