Гостивар
Кризата ги дотолчи граѓаните, се‘ повеќе бараат помош од DAVA Гостивар
Низата поскапувања на храната и други основни продукти силно удри врз џебот на граѓаните. Од хуманитарната организација DAVA од Гостивар оценуваат дека изминатиот период се‘ повеќе луѓе и семејства им се обраќаат за помош во храна, лекови и слично. Актуелно секојдневно подготвуваат и делат оброци за околу 400 лица. До скоро оваа бројка беше 350.
„Од 350 што ги имавме, за време на Рамазан станаа 400. Секоја вечер им доставувавме подготвен ифтар и суфур и сега продолжуваме со дневните оброци за овие луѓе, кои немаат услови и не можат да приготват храна сами, За оние кои се способни сами да готват, испраќаме пакети со прехранбени продукти, редовно доставуваме пакети до 157 семејства. Дополнително, успеавме да ја платиме киријата на 11 загрозени семејства за период од година, како и да го платиме долгот за струја за 6 месеци. Покривме долгови за струја и на други 3 семејства кои беа во неволја. Бројот на семејства кои ни‘ се обраќаат за помош од ден на ден расте. Ние сме подготвени да им се најдеме да ги надминат сите тешкотии. Затоа, ги повикуваме граѓаните кои живеат во Гостивар и околината доколку познаваат луѓе кои имаат потреба да ги упатат кај нас. Ќе пружиме помош без разлика на религија или нација.“, рече претседателот на организацијата, Муса Хусеин.
За време на месецот Рамазан, DAVA беше активна на целата територија на Македонија и подели 2.000 пакети со храна и хигиенски средства, а на 200 деца им подари нова облека.
Хусеин открива дека најзначајниот план што го имаат е изградба на објект со магацин за прехранбени производи, современа кујна и станови наменети за лица или семејства кои не можат да си обезбедат покрив над главата. „Очекуваме државните институции да ни обезбедат локација, за што поскоро да почнеме да го градиме објектот.“, вели тој.
Организацијата Дава се наоѓа на ул „Светозар Пепоски“ близу „Комуналец“. Оние кои имаат потреба од помош може да ги исконтактираат и на телефонскиот број 070-665-575.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар