Гостивар
Кризен штаб: Состојбата со коронавирусот во Гостивар е сериозна, носете МАСКА, држете ДИСТАНЦА, одржувајте ХИГИЕНА!
Не стивнува ширењето на коронавирусот на гостиварското подрачје. Гостивар веќе почнува да важи за критичен регион, со брзорастечки дневни бројки на новозаболени. Министертсвото за здравство денес потврди 8 нови случаи и еден починат пациент.
Вкупно активно болни има над 280, од кои околу 80% се од гостиварската општина. Сериозноста на ситуацијата уште еднаш ја констатираше и Меѓуопштинскиот Кризен штаб на редовниот неделен состанок. Апелите за почитување на мерките за заштита, како и изолацијата, повторно беа упатени до граѓаните.
„Ситуацијата и понатаму е сериозна и граѓаните треба да го сфатат тоа. Повторно апелираме доспледно да се испочитуваат мерките, тоа е носење маска, одржување дистанца и хигиена. Исто така, до оние кои се позитивни на корона и нивните блиски, да ја почитуваат изолацијата, да не излегуваат, да не шетаат за да не бидат причина за ширење на вирусот“, изјави Валбон Лимани, шеф на кабинет на градоначалникот на Општина Гостивар.
Сепак, со ваков тренд на нови случаи факт е дека апелите не допираат до граѓаните. Пред банките се создаваат гужви, без да се држи растојание и не сите носат маски. На градскиот пазар, најголемиот дел од трговците немаат заштитна опрема и не дезинфицираат раце. Не внимаваат доволно и купувачите. За дистанца не може да стане ни збор.
Но, се чини дека проблемот не е само кај граѓаните, туку дел од товарот на одговорноста паѓа и на институциите. Од нив се бара поголема ефикасност и ажурност при контролите во надлежностите што ги имаат. Многу од институциите денес не се потрудија ни да испратат претставник на состанокот.
Од почетокот на пандемијата во гостиварскиот регион направени се вкупно 1.584 тестови за ковид.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар