Куче скитник каснало жена кај железничката во Гостивар

Во Секторот за внатрешни работи регистриран е уште еден случај на напад од бездомно куче во Гостивар. Вчера (19 декември) во 13 часот во СВР Тетово, 61 годишната Н.М. од Гостивар пријавила дека околу 10 часот во близина на гостиварската железничка станица била касната од куче скитник на десната нога.

Изминатиот период зачестени се нападите од кучиња скитници на гостиварското подрачје. Во врска со повеќе напади во населбата Дутлок, кои се случија во еден ден, Нова Македонија објави дека станува збор за едно исто куче, коешто по реакции на граѓаните било фатено, а ветеринар со асистенција на полицијата со инјекција, го успал и било пренесено во стационарот за кучиња, постапка што е предвидена со таканаречениот хуман третман на бездомните животни.