fbpx
Поврзи се со нас

Занимливости

Кучињата кои спасија цел еден град од дифтерија – „Балто и Того“

Објавено

на

Во далечната 1925 година, дифтерија ги погодила градот Ноум на Аљаска. Поради големиот студ, не било возможно да се пренесе лекот со авиони и бродови, па транспортот на серумот до градот морал да се организира со помош на санки и кучиња. Било потребно шест дена да се поминат околу 1047 километри, до градот Енкориџ каде бил најблискиот противотров.

Сепел со своите кучиња

Тркачите биле поделени во 20 тимови кои имале различни делници да преминат. Норвежанецот Гунар Касен и неговото главно куче Балто, први ги донесоа ампулите со серумот. Се испостави дека Касен не погрешил при изборот на своето куче водич, затоа што кога тимот се превртел, Балто успеал да го извлече својот стопан и со тоа го спасил од сигурна смрт. Поминале 85 километри во период кога невремето го достигнало својот врв и кога видливоста била сведена скоро на нула. Балто се смета за херој, а во 1925 година му е подигнат споменик во Централ Парк во Њујорк и беа снимени филмови за него. Тој стана херој, како и сите други кучиња за време на таа мисија.

Сепак, кучето кое го направи најтешкиот и најголемиот подвиг е Того. Најдолгата рута дури 418 километри  ја помина Леонардо Сепел, чиј тим го водеше кучето Того, дванаесетгодишен хаски, (на насловната фотографија). Того веќе беше шампион и познат по своите неверојатни лидерски способности, кои уште еднаш ги покажа на оваа трка. Неговото патување, проследено со силно невреме и бели бури, беше најдолго, на – 40 степени низ најопасната делница на Нортон Саунд, успеа да ги спаси својот тим храбро избегнувајќи ги ледените џепови. Мисијата беше успешно завршена, лекот навреме беше донесен и овие храбри кучиња на чело со Того спасија цел еден град.

Хаската Того и Леонардо Сепел

Откако Сол Лесер, американски продуцент на филмови, ги однесе кучињата во Лос Анџелес за да го снимат анимираниот филм „Балтовата трка до Ноум“, на кучињата им се е губи трагот, а впечаток е дека никој повеќе не се интересирал за нив. Подоцна, бизнисменот Џорџ Кимбл во Лос Анџелес ги пронашол Балто и другите кучиња во мал музеј. Кучињата прегладнети и во лоша здравствена состојба. За нивната слобода побарани биле 2.000 долари, поради што Џорџ веднаш започнал акција за прибирање на средства. Тогашните медиуми ја поддржале акцијата за тажната приказна на кучињата херои и за само неколку дена биле собрани потребните пари за ослободување на Балто и остатокот од бандата.

Кучето Балто – изложен е во музеј во Кливленд

Сепак, славата не е кучешки потфат, Того скромно го помина остатокот од својот живот со сите заслуги, грижа и внимание што ги заслужуваше како куче херој. Додека патувал по Соединетите држави, Сепел чувствувајќи дека тоа е најдобро за неговиот миленик и го подарил Того на Елизабет Рикер, вљубеничка во кучиња со современа огледувачница во Полска. Токму во оваа одгледувачница Того починал на 5 декември 1929 година.

Advertisement
Advertisement
Advertisement
Advertisement
Advertisement

АНКЕТА:

ДАЛИ ТРЕБА ДА СЕ ЛЕГАЛИЗИРА МАРИХУАНАТА ВО ЗЕМЈАВА?

Популарно изминативе 100 дена

error: Содржината е сопственост на Gostivarpess.mk!