Спорт
КУП 2021: КК Гостивар – Еуроникел, денес од 17 часот
Денска во Спортскиот центар „Кале“ во Скопје, започнува завршницата на 29. издание на некогаш најмасовното кошаркарско натпреварување кај нас, кошаркарскиот КУП на Македонија 2021 – „Благоја Георгиевски – Буштур“.
Двократниот освојувач на ова натпреварување, Кошаркарскиот клуб Гостивар својот поход го започнува попладнево од 17 часот. Прв противник на „бело-сините“ е екипата на Еуроникел од Кавадарци. Искусна екипа која во првенството заврши на 3. позиција со скор од 15 победи и 7 порази. Данило Мијатовиќ, Рикиќ, Соколов, Јане Петрески, Дубински се докажани кошаркари кои во два наврати го намачија Гостивар во регуларниот дел од првенството, но гостиварци успеаа да ги добијат двата дуели сезонава (96-87 и 89-99).
КК Гостивар, влегува во КУП завршницата по серија од три победи во првенството и тоа над МЗТ Скопје, Работнички и ТФТ Скопје, што сигурно позитивно влијае на самодовербата кај избраниците на Александар Јончевски. Повеќе од јасно е дека нема изразити фаворити во вакви натпревари каде нема поправен, односно секој пораз значи пакување на коферите. Желни да остварат што подобар успех на овој турнир, кошаркарите на гостиварскиот прволигаш најавуваат голема борба и максимална пожртвуваност.
Подобриот од овој дуел, во полуфиналето ќе се сретне со победниот од Работнички – ТФТ Скопје, натпревар кој е закажан за во сабота од 19 часот.
МРТВ ќе врши директен пренос од овој четвртфинален дуел, пред почетокот на натпреварот ќе објавиме и линк за стриминг во живо.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар