КУП на Македонија 1/16: Вардар Форино против Вардар Скопје – ФК Гостивар на мегдан со Тиквеш

Во седиштето на Фудбалската федерација на Македонија, денеска беа извлечени двојките за првите натпревари од Купот на Македонија за натпреварувачката сезона 2020/21.

Вардар во Форино на Градскиот стадион во Гостивар ќе се сретне со скопски Вардар во 1/16-финалето од Купот на Македонија, додека ФК Гостивар ќе се пресмета со екипата на Тиквеш од Кавадарци, одлучи денешната ждрепка.

Остантите двојки се:

Кит-Го – Скопје
Победа – Македонија Ѓ.П.
Љуботен – Пелистер
Слога Виница – Шкупи
Велешта – Кожуф
Росоман – Беласица
Охрид – Ренова
Лабуништа Тетекс – Силекс
Каменица Саса – Борец
Влазерими – Работнички

Полуфиналистите од ланскиот КУП кој се прекина поради корона кризата екипите на: Шкендија, Академија Пандев, Брегалница и Струга Трим Лум ќе бидат слободни во 1/16-финалето.

Натпреварите од првата рунда ќе се одиграат на 23. септември од 15:30 часот. Осминафиналните дуели ќе се одиграат на 21. октомври, а четвртфиналните пресметки на 25. ноември. Полуфиналето ќе се игра на 7. април, а мечот за трофејот на 19. мај.

Поради пандемијата со Covid-19 ќе има променет формат и сè до финалето ќе се игра по еден натпревар, а при нерешен резултат директно ќе се изведуваат пенали.