fbpx
Поврзи се со нас

Гостивар

Лани во Гостивар 6.000 сообраќајни прекршоци помалку од претходната година

Објавено

на

Полициски службеници на Секторот за внатрешни работи Тетово-Oдделение за безбедност на патниот сообраќај Гостивар во текот на минатата 2020 година, на поширокото гостиварско подрачје вкупно откриле и законски санкционирале 3522 различни видови сообраќајни  прекршоци или близу 6000 помалку во споредба со претходната година.

СВР соопшти дека постапувајќи согласно Законот за безбедност на сообраќајот на патиштата и Законот за возила, а поради констатирани недостатоци, односно прекршоци од сообраќај биле исклучени 706 возила. Најмногу од исклучените возила (405) имале истечена регистрација до и над 30 дена, кај 286 била утврдена техничка неисправност, претежно на сопирачките, кај 12 необезбеден товар, а на 3 претовар.

Лани, исто така, од сообраќај биле исклучени и 663 возачи, од кои 485 кои управувале без возачка дозвола, 16 со несоодветна категорија, 8 со важечка забрана, 78 возачи-почетници, 52 кои управувале под дејство на алкохол и 24 кои не користеле заштитна кацига.

„Откриените сообраќајни прекршоци во периодот за кој станува збор санкционирани се со соодветни поднесоци. Покрај тоа, времено биле одземени 133 возачки дозволи, а на организирани сообраќајни поуки биле повикани 39 лица, учесници во сообраќајот.“, се наведува во соопштението.

 

Advertisement
Advertisement
Advertisement

ОГЛАСИ ЗА РАБОТА:

Advertisement

Популарно изминативе 100 дена

error: Содржината е сопственост на Gostivarpess.mk!