Лаутербрунен: Долината со 72 водопади во Швајцарија

Во Бернер Оберланд на швајцарските Алпи, околу 70 километри од Берн, се наоѓа Лаутербрунен (Lauterbrunnen), долина која се смета за една од најубавите во Европа. Долината е широка околу 1 километар, а се наоѓа помеѓу џиновски карпи и планински врвови кои се издигаат, безмалку вертикално на висина од 300 метри од дното на долината.

Лаутербрунен – долината со 72 водопади

На дното се наоѓа селото Лаутербрунен, што во превод значи – многу извори, а името го добило по 72-та водопади кои паѓаат во долината од неколку стотини метри висина. Најпознат од нив е Стаубах (Staubbach) висок скоро 300 метри, што го прави еден од највисоките водопади во Европа формиран од еден непрекинат пад.

Стаубах – водопадот висок скоро 300 метри

Уште еден спектакуларен природен феномен се Трамелбах (Trümmelbach), водопадите кои се скриени во внатрешноста на планините. носејќи со себе 20.000 литри вода во секунда, паѓајќи низ карпите од 200 метри висина.

Трамелбах – еден од скриените водопади

Карпите и водопадите на Лаутербрунен инспирирале многу уметници и писатели како Гете, Франц Шуберт и Ј.Р.Р Толкиен. Исто така редовно ги привлекуваат љубителите на природата, туристите, уметници и фотографи од сите краеви на светот. Лаутербрунен е дел од Светското природно наследство на УНЕСКО од 2001-ва година.