Лажното пријавување е кривично дело, не вртете 192 без потреба!

Секторот за внатрешни работи Тетово со потсетување до граѓаните – сите безбедносни настани и појави да ги пријавуваат на бесплатниот телефонски број 192 , за да може брзо и ефикасно да се реагира и да се преземат потребните мерки и активности. Пријавувањето на телефонскиот број 192 со точни податоци (време, место и содржина на слученото) им овозможува на службите на СВР Тетово оперативно да се подготват и максимално професионално да постапат во реализација на законски предвидените задачи, наведуваат од полицијата.

Секторот за внатрешни работи Тетово нагласуваат дека лажното пријавување на кривично дело, исто така, претставува кривично дело за кое е предвидена и затворска казна од 3 месеци до 3 години (член 366 од Кривичниот законик). На граѓаните им се укажува и тоа дека лажното повикување на помош или предизвикување излегување на службено лице на државен орган или на јавна служба се санкционира со изготвување на соодветен поднесок и со  парична глоба од 100 до 400 евра во денарска противвредност, согласно член 16 од Законот за прекршоци против јавниот ред и мир.