Лебот во Македонија за една година поскап за 35%, има највисока цена во Западен Балкан

Граѓаните на Македонија најскапо го плаќаат лебот во регионот, покажуваат неодамнешните пресметки на Статистичките заводи и пекарските здруженија на земјите од Западен Балкан.

Цената на лебот во периодот од јули 2021 и 2022 година најмногу се зголемила во Црна Гора, за 50 %. Во Косово има зголемување од 39%, додека Македонија и БиХ се на трето место со зголемување од 35%.

Сепак по висина на цена, векна леб е најскапа во нашата земја и тоа 0,81 евро. Најевтин леб пак има во Србија, со цена од 0,42 евра.