Лекарска помош за децата во Гостивар барајте во модуларната болница, педијатрија се реновира

На децата пациенти во Гостивар во наредниот период медицински услуги ќе им се пружаат во модуларната болница. Ова е привремена одлука, донесена од причина што педијатриското одделение во гостиварската болница се реновира. Децата ќе се згрижуваат во модуларниот центар, додека не заврши изведувањето на работите на одделението.

„Пред неколку дена започнаа работите за реновирање на сите простории на педијатриското одделение. Поради тоа, до нивно завршување пациентите кои имаат потреба од медицински услуги од педијатрискиот персонал, треба да се упатат во модуларната болница што се наоѓа спроти инфективното одделение.“, соопштија од општата болница „Д-р Ферид Мурад“.