Лекарски прегледи за пензионерите во Гостивар по повод Недела на грижа за стари лица

Гостивар се вклучи во одбележувањето на „Неделата на грижа за стари лица“. Општинска организација на Црвениот Крст во соработка со Здружението на пензионери организираше прегледи, мерење на крвниот притисок и на шеќер во крвта за граѓани од третата доба.
„Целта на овие активности е подигнување на свеста и информирање за правата, социјална и здравствена заштита на постарите лица. Ние како организација имаме задача и обврска да им посветиме внимание и грижа.“, велат од Црвениот Крст.

Пензионерите  здравствени совети и консултации добија од д-р. Линдита Нуредини и медицинските сестри Албина Билали и Агнеса Билали.