Лесно достапни намирници кои можат да помогнат во регулирање на шеќерот во крвта

Покрај редовната терапија што ја земаат луѓето кои имаат висок шеќер во крвта, како што тврдат нутриционистите, постојат и некои намирници кои можат да помогнат во негово регулирање.

Многу од овие намирници се лесно достапни, а се што треба да направите е редовно да ги воведете во вашата исхрана.

Црвена зелка

Антиоксидансите како што се кверцетинот и кемпферолот, кои се наоѓаат во големи количини во црвената зелка, имаат способност да го намалат нивото на шеќер во крвта и позитивно влијаат на зголемување на чувствителноста на инсулин.

Грав

Плодовите како гравот и леќата се богати со магнезиум, растителни протеини и влакна, а растворливите влакна и скроб го забавуваат варењето и на тој начин ја подобруваат преосетливоста на инсулин.

Кикирики

Кикириките, а исто така и бадемите го намалуваат нивото на шеќер во крвта, без разлика дали се јадат на празен стомак или после оброк. Исто така тие се идеална закуска која го снабдува организмот со енергија и го штити здравјето на срцето.

Тиква

Оваа храна е богата со влакна и антиоксиданси, но и полисахариди кои го регулираат присуството на шеќер во крвта.

Ленено семе

Истражувањата покажуваат дека јадењето 30 грама ленено семе дневно помага во намалување на нивото на шеќер во крвта. Нивната ефикасност е најголема ако ситно ги исецкате или мелете, бидејќи на тој начин се подобрува апсорпцијата на важните делови од семките.

Шумски плодови

Јагодите, малините, капините, боровинките и другите шумски плодови имаат вредни здравствени својства бидејќи се полни со влакна, витамини, минерали и антиоксиданси. Ова овошје го подобрува и го регулира нивото на шеќер во крвта со зголемување на чувствителноста на инсулин.

Овесна каша

Ако се консумира редовно, овесната каша помага да се регулира нивото на шеќер во крвта, благодарение на содржината на растворливи влакна. Една чинија овесна каша со бобинки и мелени бадеми е пример за идеален појадок за намалување на нивото на шеќер во крвта.