Летен ручек, одличен за периодов на жештина кога се јаде помалку и полесна храна

Тропските горештини си го прават своето и во однос на исхраната, па така многумина периодов имаат намален апетит и избираат полесна храна. Токму затоа, ви предлагаме еден рецепт за едноставен, летен ручек, кој ќе го задоволи вашиот вкус и ќе ви овозможи доволно хранливи материи за организмот.

Состојки:

300 грама моркови

4 благи пиперки

2 лути пиперки

1 модар патлиџан

2-3 варени јајца

600 грама павлака или грчки јогурт

3-4 чешниња лук

сол, масло, бибер, оригано, црвен пипер.

Подготовка: Најпрво, во тава со масло пропржете го исецканиот лук, па додадете ги   изренданите моркови, како и исецканиот модар патлиџан и пиперките. Во павлаката/грчкиот јогурт измешајте ги зачините. Во подлабок сад ставете слој од пропржениот зеленчук, па слој од павлаката/грчкиот јогурт, па варени јајца исечени на парчиња. Повторете ја постапката додека не ви се потрошат смесите. Овој летен ручек може да го сервирате со млад кромид, ротквици или краставички.