Македонија
Летното време фатално за возачите – „Ова лето, не летај – летувај!“ кампања на МВР и Совет за безбедност на патиштата
Деновите наменети за летен одмор, во Македонија и во светски рамки се познати како најфатални денови на патиштата кога бројот на сообраќајни незгоди со фатални последици драстично се зголемува, предупредува Републичкиот совет за безбедност на патиштата. Според нивните статистики во јули и август, во Македонија минатата година се случиле 39 сообраќајни незгоди со 47 жртви, а во 826 сообраќајни незгоди потешко се повредени вкупно 1333 лица.
МВР и РСБСП почнуваат кампања за едуцирање за правилата и прописите, односно за начинот како сите безбедно и одговорно да стигнат до посакуваната дестинација. Едукативните активности и едукативните материјали ќе бидат изготвени на македонски и англиски јазик и покрај домашните возачи ќе бидат опфатени и туристите, како и возачите кои транзитираат низ Македонија.
„Безбедноста на сообраќајот на патиштата е врвен приоритет на Министерството за внатрешни работи и согласно тоа, како министерство, во изминатиот период, посветуваме сериозно внимание на оваа проблематика. Сообраќајните контроли ги има сѐ почесто и истите ќе се интензивираат во наредниот период. Целта е поголема безбедност во сообраќајот и заштита на животот и здравјето на учесниците во сообраќајот. Меѓутоа, наша цел како Министерство за внатрешни работи не е само репресија, туку и превентивно дејствување преку едукација и подигање на свеста и во таа насока заедно со Републичкиот совет за безбедност на сообраќајот на патиштата, во наредниот период ќе реализираме повеќе едукативни акции за одговорно учество во сообраќајот“, потенцираат од МВР.
Во рамки на кампањата „Ова лето, не летај – летувај!“ ќе биде организирана акција за дистрибуција на едукативни материјали на влезните гранични премини во Република Македонија, ќе биде поставено скршено возило од сообраќајни незгоди на јавни места со пораки за потсетување на последиците од сообраќајните незгоди, ќе бидат организирани мобилни пунктови за делење вода и едукативни материјали долж коридорот 8 и 10, ќе бидат организирани едукативни акции по угостителски објекти и др.
Надлежните апелираат до сите учесници во сообраќајот да внимаваат на високите температури и на техничката исправност на возилото, да возат одморени и да ги почитуваат сообраќајните правила и прописи.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар