Гостивар
Летоци, маички и совети за пешаците во Гостивар и Тетово
Полициски службеници на Секторот за внатрешни работи Тетово – Отсек за превенција викендов во периодот од 12 до 16 часот, во Гостивар и Тетово спроведоа повеќе активности во рамките на превентивно-едукативната кампања „И јас и ти сме пешаци“, а чии носители се Републичкиот совет за безбедност на сообраќајот на патиштата, Министерството за внатрешни работи и Факултетот за безбедност-Скопје.
„На неколку локации во централните подрачја на двата града на граѓаните им беа поделени летоци на македонски и албански јазик со повеќе информации – како безбедно да се преминуваат улиците, како да се движат пешаците доколку нема обликувани тротоари, да не зборуваат на мобилен телефон додека ги преминуваат улиците и по можност да носат посветла облека во вечерните часови за да бидат навреме забележани од возачите.“, извести полицијата.
Покрај тоа, граѓаните добија и маички со такви совети, со цел да се придонесе за подигнување на сообраќајната свест и култура на оваа категорија учесници во сообраќајот. Ова, дотолку повеќе што минатата година на поширокото тетовско подрачје беа регистрирани четири загинати и значителен број повредени пешаци, претежно како последица на нивно или невнимание на возачите.
Токму затоа, годинава во континуитет се организираат и акциски и други контроли во чие средиште се пешаците, односно колку возачите им даваат предност, но и како тие се однесуваат во сообраќајот.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар