Референдум 2018
Левица во Гостивар: Договорот е скандалозен, референдумот да се бојкотира
Во пресрет на Референдумот, Левица организираше политичка трибина во Гостивар, на која се зборуваше за билатералниот договор со Грција, потенцијалниот влез во НАТО, процесот на преговорите за името и слично.
Џејлан Велиу, член на Президиумот на партијата го нарече договорот скандалозен во кој се гледа дека Грција покажува сила над Македонија. „Сам по себе договорот, исто како и преговорите што се водеа се скандалозни, затоа што тука важи силата на посилниот, односно Грција ни наметнува како да се викаме, кој јазик да го користиме, кој ќе биде нашиот идентитет, кои промени треба да ги направиме во Уставот. Сето тоа е делегирано од империјалните сили.“, рече Велиу.
Во своето излагање Зоран Василески, исто така член на Президиумот на Левица нагласи дека вметнувањето на географската одредница Северна, може да донесе ризик за иднината и стабилноста на Македонија. „Ако ние бидеме Северна Македонија, тогаш каде е вистинската Македонија. На Балканот на сцената се враќаат заборавените сеништа на национализмот и религискиот фундаментализам, па не е исклучено во иднина овој концепт на географска одредница за овој простор да направи проблем. Мора да признаеме дека идеите за големи држави на Балканот не се заборавени. Може ли некој да гарантира дека со овој договор засекогаш се гарантира безбедноста, стабилноста, самобитноста на државата кога живееме во најтурбулентниот дел на Европа“, истакна Василески.
На трибината на Левица во Гостивар беше речено дека бојкотот е единствениот правилен политички механизам, за пружање отпор на владејачките елити и нивните деструктивни политики. Фактот што Референдумот е консултативен, од партијата го толкуваат како страв на власта од гласот на народот.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар