Лимани: Советот на Гостивар е пример за демократија

Една година од функционирањето на Советот на Општина Гостивар во овој состав, претседателот Валбон Лимани дава позитивни оценки за атмосферата и работата на телото. Вели „Има дебати и спротивставени мислења, но се‘ тече демократски“.

„Лично сум среќен што после една година работата на Советот е на едно повисоко ниво од минатиот мандат во однос на функционирањето и соработката меѓу сите советнции од сите различни политички партии. Мислам дека може да се забележи една компактност во работата на Советот, и хармонија. Иако имаме многу спротивствени мислења, се развива многу дебата, сепак на крај ме радува тоа што добар дел од одлуките се носат со консензус ,едногласно. Мислам дека ова е исчекор напред не само за Советот на Гостивар, туку и за демократијата на нашиот град. Може да се каже дека во оваа една година сме пример за демократија за другите совети во земјата.“, вели Лимани.

На ланските локални избори во Гостивар Алијанса за Албанците/Алтернатива освои 8.856 гласа и 10 советнички места, ДУИ 8.296 гласа и 9 места, ВМРО ДПМНЕ 4.300 гласа и 4 места, СДСМ 2.958 гласа и 3 места, ДПТМ 2.815 гласа и 3 места, БЕСА 897 гласа и 1 место, ДСР 865 гласа и 1 место. Со оглед на разноликоста на политичка пропадност, го прашавме Лимани колку состојбите и случувањата во политиката на централно ниво, влијаат врз функционирањето и тековите во гостиварскиот Совет.

„Секако декаат има влијание, но генерално нема големо влијание во носењето на одлуки, во сето тоа што го правиме во корист на граѓание, затоа што на крај ние сме избрани од нив и треба да работиме за нивните интереси.“, рече првиот човек на Советот.

За предизвикот да се биде на челното место во советничката сала, и да се одржува работната атмосфера мирна и демократска, Лимани вели:

„Искрено кажано, можеби првите два месеци, емоционално ги сфаќав некои од дебатите и политичките препукувања, но како поминува времето, секако искуството си го прави своето. Се трудам цело време да бидам коректен со сите советнции без разлика од која политичка партија доаѓаат и мислам дека стигнавме до овде каде што сме, пред се‘ да сме граѓани на овој град и да соработуваме за доброто на Гостивар и нашите граѓани.“

Советот годинава има уште една потешка задача пред себе, а тоа е донесувањето на  буџетот на општината за 2023-та.