Гостивар
Лимани: Советот на Гостивар ќе го слуша гласот на секој граѓанин!
Советот на Општина Гостивар во следните четири години ќе го води Ваљбон Лимани, кој беше носител на листата од Алијанса/Алтернатива на локалните избори. Како што веќе информиравме, на денешната седница, Лимани беше избран за челното место, со 18 гласа ЗА, 2 воздржани и ниеден против.
„Благодарам за довербата, се надевам дека со мојата работа ќе покажам и докажам дека Советот на Општина Гостивар ќе биде институција во која ќе се слушне гласот на секој граѓанин и кадешто ќе се потрудам да има консензус за сите одлуки кои се во добробит на граѓаните на Општина Гостивар без разлика на која политичка партија и‘ припаѓаат советниците.“, изјави новоизбраниот претседател на Советот.
Првите честитки ги доби од колегите советници и градоначалникот Арбен Таравари.
„Како градоначалник ми претставува задоволство што избравме претседател на Советот. Се надевам дека во овој мандат соработката и координацијата ќе биде конструктивна и со опозицијата, за да делуваме заедно за добри проекти и благосостојба на граѓаните“, рече градоначалникот.
Лимани беше единствениот кандидат предложен од Комисијата за избори и именувања. Пред гласањето, од говорницата реагираше советничката група на СДСМ.
„Може да констатираме дека има неисполнети предизборни ветувања, од коалицијата која ја предводи општинската власт. Ние немаме никакви причини предложениот кандидат да не биде претседател, затоа што сме поборници за едно општество за сите. И токму поради тоа, прашуваме зошто не е исполнето ветувањето, за претседател да биде избран кандидат од редовите на ВМРО ДПМНЕ, како што беше промовирано предизборно“, рече советничката Ема Нешковска.
На денешната седница беа комплетирани составите на Комисиите што ќе функционираат во склоп на Советот. Едногласно беше донесена и одлука за официјална употреба на ромското знаме на територијата на Општина Гостивар, по предлог на советникот од ДСР, Фирдаус Ајдари.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk