Лисица и куче предизвикале несреќи на патот Гостивар-Тетово минатиот месец

На гостиварскиот дел од патот Гостивар-Тетово минатиот месец се случиле само две сообраќајни несреќи и двете предизвикани од животни, куче и лисица, информира Секторот за внатрешни работи Тетово. Сообраќајките завршиле само со причинета материјална штета на возилата, без повредени.

Секторот за внатрешни работи Тетово апелира до возачите целосно да ги почитуваат сообраќајните знаци на автопатот и магистралата Гостивар-Кичевои, посебно да бидат внимателни во вечерните и раните утрински часови, дотолку повеќе што во тие периоди од деноноќието можно е и неконтролирано движење на животни по коловозот, пред се во близина на клучките.

Одделението за безбедност на патниот сообраќај Гостивар периодов е насочено кон засилени активности за откривање и санкционирање на возачите кои ја пречекоруваат максимално дозволената брзина на автопатот и магистралата. Во изминатите три месеци од оваа година вкупно биле санкционирани  850 „пребрзи“ возачи, кои значително ја пречекориле брзината. На сите им се изготвени соодветни поднесоци и ќе се соочат со законски предвидените парични глоби и други санкции, соопшти полицијата.