Култура
ЛИТЕРАТУРНИ ИСКРИ 2017: Гран При за гостиварката Кристина Мерклер
Со свеченост на која беа прогласени наградените поети се заокружи четвртото издание на Меѓународниот поетски фестивал „Литературни искри“ во Гостивар. Гран При наградата годинава заврши во рацете на Кристина Мерклер, 35 годишна поетеса родум од Гостивар, која живее и работи во Скопје, автор на стихозбирката „Горчливи години“. Според бодувањето на жири комисијата, првото место и припадна на Фросина Тасевска од Штип, второто го освои Цветанка Колева од Кавадарци, а третото, Ирена Јурчева од Скопје.
За најдобар странски автор на овогодинешниот фестивал беше прогласена Марина Јовановиќ од Србија, поетеса, писател и филозоф, автор на неколку стихозбирки и роман. За поддршка на младата генерација поетски пера, фестивалот доделува награда Најуспешна млада искра, која годинава ја понесе 18-годишната Ива Пуовиќ од Скопје. Сите наградени добија плакети и книги од Центарот за култура АСНОМ, како организатор на манифестацијата.
„Ни претставува чест што сме домаќини на овие квалитетни поетски имиња и не радува што нашиот фестивал веќе станува препознатлив меѓу поетската јавност во земјава и надвор од неа. Секоја година, се повеќе расте интересот кај поетите да бидат дел од овој настан, што нас не поттикнува да продолжиме да го градиме и задржиме добриот имиџ на фестивалот“, рече директорот на Центарот за култура, Луан Зенки во своето обраќање.
Пред присутните гости и публиката беше промовирана и заедничката збирка во која се застапени 20-тина поети, селектирани според бодувањето на жирито. Меѓународниот поетски фестивал „Литературни искри“ во Гостивар се организира во чест на Денот на Сесловенските просветители, СВ.Кирил и Методиј, 24-ти Мај.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар