Ловџија пронајден мртов во близина на селото Врбјане

Двајца мавровци го пронашле мртов својот пријател со кого отишле заедно на лов. Според информациите од полицијата, вчеравечер околу 19 часот, 66-годишниот А.З. од долнореканското село Врбјане, заедно со 30-годишниот Д.Д. и 56-годишниот Д.С. од Маврово, по претходен договор, заминале на лов во близина на Врбјане, во месноста „Казане“. Се разделиле на  различни страни, а по еден час откако телефонски не им се јавувал, двајцата мавровци почнале да го бараат и го пронашле  паданат на левата страна од патот.

„Кога се доближиле до него, забележале дека не дава знаци на животот и дека е починат, по што го пријавиле случајот во Полициското одделение Маврово.  Јавен обвинител, лекар по судска медицина и екипа од Полициската станица Гостивар извршиле комплетен увид и при тоа не се пронајдени траги на насилство, а по наредба на јавниот обвинител денеска ќе се врши обудкција над безживотното тело“, информира СВР Тетово.