Маглата над Гостивар никако да се крене

Во текот на целата оваа недела на гостиварското подрачје има појава на магла. И денешното утро и претпладне се магловити, поради што е намалена видливоста на патиштата до околу 100 метри. Автомото Сојузот информира дека магла има и во други делови од земјава.  Намалена видливост порадимагла до 50 метри има на патниот правец Тетово – Гајре, Кула – Катланово, Охрид, Струга, Штип и видливост до 100 метри освен во Гостивар, има во Страцин, Сарамзалино, Велес, Македонски Брод, КриваПаланка, Тетово, Битола, Ресен и Кичево.

На возачите им се препорачува внимателно возење, прилагодена брзина на движење и почитување на поставената сообраќајна сигнализација.

На автопатот Велес-Скопје, кај м.в.Кула, случена е сообраќајна незгода помеѓу повеќе возила и автопатот Велес -Скопје е целосно затворен за сообраќај.