Мај продолжува со променливо време

Во деновите од работната недела што следува ќе владеат променливи временски услови. Времето денес, понеделник, ќе биде сончево и топло со умерена облачност. Ќе дува умерен до засилен западен ветер. Температурата ќе се движи од 8 до 23 степени.

Утре (вторник) се очекува облачно време со услови за врнежи од дожд во претпладневните часови, додека попладне облачноста ќе се намали. За среда метеоролозите прогнозираат сончево и топло време со мала до умерена облачност. Во текот на ноќта кон четврток можни се врнежи од дожд. Ќе дува умерен до засилен ветер од западен правец. Минималната температура ќе биде 7, максималната 22 степени.

Во четврток повторно не‘ очекува дожд, проследен со умерен до засилен ветер. Облачно и со услови за дожд ќе биде и во петок, а температурите ќе останат високи.