Маја Атанасоска, наставничка по германски јазик

Оваа 2021 година ќе ја паметам по својата духовна ренесанса. Конечно сфатив дека треба да ги оставиме работите да се случуваат сами по себе, а јас да живеам што поедноставно. Важно е да го цениме животот и да уживаме во секој ден, бидејќи животот е непредвидлив, доста добри млади луѓе изгубивме оваа година. Овој период од годината го сакам од повеќе причини, преубавите моменти кои ги поминувам со семејството како и прекрасните обичаи кои ги имаме за Нова година и за најубавиот Божиќ.

Во новата 2022 посакувам позитивни луѓе околу себе и мир во душата. Кога имате мир во душата и позитива, се полесно се надминува. Можеби звучи како клише, но за сите посакувам најмногу здравје. Без здравје ниту љубовта, парите, среќата и се материјално на овој свет не значат апсолутно ништо.

Среќна Нова година!