Мајка и две малолетни деца повредени во сообраќајка

 Автомобил „БМВ“, со гостиварски таблици, излетал од автопатот Тетово-Гостивар и се превртел во блиска нива. Во несреќата биле повредени мајка и две малолетни деца.

Според информациите од полицијата, судирот се случил вчера околу 16 часот, на автопатот во близина на бензинска пумпа во Жеровјане. Во несреќата учествувале  товарно моторно возило „ Цитроен“ со гостиварски регистерски таблици, управувано од 50-годишниот гостиварец Ш.Ш, патничко возило „БМВ“ што го управувал 30-годишниот гостиварец Г.Г. и товарно возило ( камион „ФАП“ ), кое не застанало и продолжило со движење.

Во несреќата, тројца сопатници од „БМВ-ето“, поточно сопругата и двете малолетни деца на Г.Г. се здобиле со телесни повреди, со друго возило биле пренесени  во тетовската клиничка болница и по укажаната лекарска помош, префрлени се на скопските клиники.

Од полицијата соопштуваат дека е извршен комплетен увид и се утврдува причината за несреќата и околностите во кои се случила.