Мајка, син и ќерка на мотор се судриле со автомобил

Сообраќајната несреќа е регистрирана на ул „Илинденска“ кај раскрсницата со  булеварот „Гоце Делчев“ во Гостивар, околу 12 часот и 30 минути. Според првичните информации, моторот без регистарски таблици, кој се движел кон плоштадот, го управувал синот, без возачка дозвола. На моторот со него биле неговите мајка и сестра, сите од село Леуново. Тие се судриле со автомобил пежо со приколка, кој се движел во спротивен правец. По несреќата возачот на пежото побегнал и полицијата работи на негово пронаоѓање.

Од падот, мајката се здобила со повреди и е префрлена во гостиварската болница. Децата немале поголеми повреди, но и тие се однесени во болницата на прегледи.