Спорт
Македонија денес против Бугарија ги започнува настапите во Лигата на нации
Македонските фудбалери денес од 18 часот во Разград со дуелот против Бугарија почнуваат нов циклус во Лигата на нации.
Селекторот Благоја Милевски за овој и за другите три средби од јунскиот прозорец најави давање повеќе минутажа на помладите играчи од кои очекува да го покажат целиот свој потенцијал.
– Секој нов натпревар е нов предизвик. Стартуваме со проблеми и повредени фудбалери, но имаме шанса да ги провериме можностите на сите повикани фудбалери. Бугарија е квалитетен тим, имаат одлични фудбалери. Секој натпревар е различен, мора да имате план кој треба да се исполни. Сепак, се прашува и противникот и ќе видиме што ќе ни донесе натпреварот. Се чувствувам горд кога момците го покажуваат потенцијалот на терен. Задоволство е да се работи со нив како карактери, момци и фудбалери. Во вистинска насока сме, рече Милевски на прес-конференцијата за овој натпревар.
На досегашните седум меѓусебни натпревари, сите со пријателски карактер, Македонците имаат две победи, Бугарите четири, а еден натпревар заврши нерешено.
Во четвртата група Ц-сегмент покрај македонската и бугарската репрезентации, се и селекциите на Грузија и Гибралтар.
Лигата на нации е натпреварување преку кое може да се обезбеди настап на Европското првенство 2024. За тоа е потребно да се освои првото место во групата и да се победи во плејофот.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар