Македонија ги добија противниците во групата за ЕП 2020

Попладнево во Виена беа извлечени групите за претстојното Европско првенство во сениорска машка конкуренција, што во јануари 2020 година, ќе се одржи во Шведска, Австрија и во Норвешка.

Нашата селекција ќе игра во Групата Б, за противници ги доби составите на домаќинот Австрија, Чешка како носител и Украина. Натпреварите од оваа група ќе се играат во Виена.

Македонија во квалификациите за ова првенство го освои првото место во својата група.