Македонија – Италија денеска на стартот на квалификацискиот балон во Перм

Македонската кошаркарска репрезентација денеска ќе го одигра првиот од четирите натпревари во балонот во Перм Русија во рамките на квалификациите за Евробаскетот кој ќе се одржи оваа година.

Противник е селекцијата на Италија, од 15.30 часот по македонско време. Во следните пет дена нашите најдобри кошаркари треба да одиграат четири натпревари во овој балон, против селекциите на Италија, Русија и Естонија.

За средбата со Италија, Тодоров ќе им укаже доверба на следниве играчи:

Дамјан Робев, Андреј Митревски, Бојан Крстевски, Дамјан Стојановски, Кристијан Николов, Андреј Магдевски, Бојан Трајковски, Теодор Симиќ, Џејкоб Вајли, Војдан Стојановски, Ненад Димитријевиќ и Стојан Ѓуроски.