Поврзи се со нас

Македонија

Македонија во вонредна состојба – граѓаните да бидат трезвени и одговорни, да седат дома и да не трупаат залихи со храна

Македонија е во вонредна состојба за првпат од осамостојувањето на државата. Прогласената вонредна состојба ќе трае 30 дена во кој период техничката Влада ќе има зголемени надлежности. Ќе може да ги користи сите државни и приватни ресурси, за поуспешно справување со епидемијата.Вонредната состојба не значи дека по автоматизам ќе се воведат рестрикции на слободите и движењето на граѓаните.

„И во вонредна состојба не престанува животот. Нашата идеја е што е можно повеќе и нормално да функционира и стопанството, и економијата, меѓутоа секако со мерките кои се во заштита на јавното здравје и здравјето на граѓаните. Вонредната состојба само и дава можности на Владата и се создаваат услови за брзо и ефикасно спроведување на мерките за превенција и заштита  на здравствената состојба на граѓаните. За заштита и одбрана на нашето општество, на нашата економија“, изјави техничкиот премиер Оливер Спасовски.

Тој истакна дека вонредната состојба подразбира дека институциите ќе бидат ригорозни, ќе вршат интензивни контроли за да го заштитат здравјето на граѓаните, дека полицијата и инспекциските служби ќе бидат максимално ангажирани.

„Институциите ќе бидат ригорозни и за секој што не ги почитува препораките и потпишаните изјави за самоизолација, дека ќе има сериозни санкции, не само парични, туку и затворски. Апелирам до граѓаните на трезвеност, смиреност и одговорност во една ваква состојба. Има доволно залихи на храна, на гориво и сѐ што е потребно постои. Тоа значи дека нормалниот живот во државата се одвива во овие новонастанати услови“, рече Спасовски.

 

Сподели:
Advertisement
Остави коментар

Напишете коментар

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!