Поврзи се со нас

Култура

Македонскиот кандидат за Оскар „Медена земја“ ќе се прикажува во Гостивар

Гостиварци ќе имаат можност во својот град да го погледнат најнаградуваниот македонски документарен филм и кандидат за големата филмска награда Оскар, „Медена земја“. Филмот ќе се прикажува во Центарот за култура АСНОМ во Гостивар на 13 октомври, со почеток во 20 часот.

„Медена земја“ (Honeyland) ја раскажува приказната за Атиџе, последната жена-одгледувач на диви пчели во Европа, која живее сама со својата мајка во централна Македонија. Главна идеја на филмот е да се прикаже припадноста на човекот кон природата и нарушување на природната рамнотежа преку судир на два различни начина на искористување на Земјините ресурси.

Филмот, во режија на Тамара Котевска и Љубомир Стефанов, триумфираше со три главни награди на престижниот американски фестивал Sundance, се прикажува ширум светот и доби одлични рецензии од Ролинг стоун магазинот, Вокс, Холивуд репортер  и други.

Билетите за проекцијата во Гостивар чинат 100 денари и ќе се продаваат истиот ден (недела) од 18 до 20 часот во Центарот за култура.

Advertisement
Остави коментар

Напишете коментар

Advertisement
Advertisement
Advertisement
Advertisement
Advertisement

Популарно