Македонските фудбалери вечерва против Малта по втора победа во евроквалификациите

Македонската фудбалска репрезентација синоќа го одржа официјалниот тренинг на Националниот стадион во Та Кали на кој вечерва од 20:45 часот ќе се обиде втор пат да ја совлада Малта во квалификациската група Ц и да ги задржи шансите за пласман на ЕУРО2024.

Гостувањето во Малта доаѓа три денови по освоениот бод против европскиот првак Италија во Скопје со кој избраниците на селекторот Благоја Милевски ја прекинаа серијата од два порази.

Поради болки во грбот во македонскиот состав вечерва ќе недостасува стандардниот голман Столе Димитриевски, а дополнително е повикан чуварот на мрежата на Шкендија, Давор Талески.

Поради повреда на листот на ногата и Аријан Адеми,  нема да биде вечерва во составот на македонската репрезентација. Адеми, како што соопшти денеска ФФМ, почувствувал болка веднаш по синоќешниот тренинг на Националниот стадион во Та Кали.

„Станува збор за истата повреда поради моја Адеми беше спречен да даде придонес и за натпреварот против Италија“, се наведува во соопштението.

Македонската репрезентација е четвртопласирана во групата Ц со четири бодови, а Малта е последна без бодови.

фото:ФФМ