Македонските „кантерџии“ со Павле од Гостивар во финалето на Светското првенство во е-спорт

Македонската „CS:GO“ репрезентација се пласира во финалето на Светското првенство на Меѓународната еспорт федерација која се одржува во Еилат, Израел, совладувајќи ја претпладнево во полуфиналната битка селекцијата на Украина.

„Ова е огромен успех за нашиот тим, со оглед на тоа што играме со заменски играч кој се одлично се вклопи. Во финалето одиме на победа, но како и да заврши натпреварот ова е историски успех за македонскиот еспорт. Огромно благодариме од целиот тим за поддршката, гледајте не и навивајте за нас“, изјави за Gostivarpress.mk гостиварецот Павле Стојановски, кој е дел од тимот.

Загарантираното второ место носи награда од 6.000 долари, а главната премија за освојувачот изнесува 10.000 долари.

Финалниот натпревар македонските „кантерџии“ го играат од 16 часот против тимот на Романија. Дуелот за злато може да се следи на каналот на Македонската еспорт федерација, ТУКА.

Напред дечки!