Мала помош за оние кои не знаат како да ги потрошат парите: 10-те најскапи хотели во Дубаи

Заклучок, ако имате повеќе пари отколку што може да изброите, гламурозниот Дубаи ве чека да поминете неколку незаборавни ноќи таму. Подготвени или не за вашиот најскап одмор досега, да ги разгледаме 10-те најскапи хотели во Дубаи, претставени според просечната цена на собите за една ноќ.

10. The Bvlgari Resort Dubai – 3,117 долари за ноќ

Познатиот бренд Bvlgari не можеше, а да не се вмеша на светската сцена на луксузни хотели и одморалишта.

Со 101 соба и апартмани, меѓу кои и раскошни 20 вили со базен на плажа, Bvlgari Resort Dubai е една од најимпресивните зданија во Обединетите Арапски Емирати. Вилите нудат бујни градини и неверојатен поглед на море, како и ресторани, приватни плажи, затворени базени, фитнес центар,  салон за убавина, плус приватна Марина со 50 бродски паркиралишта и единствениот јахта клуб Bvlgari.

9. Jumeirah Dar Al Masyaf – Madinat Jumeirah – 3,511 долари за ноќ

Опкружено со неверојатни патишта, мирни градини, базени и бел песок на приватна плажа, одморалиштето Jumeirah Dar Al Masyaf е сместено во ексклузивниот дел во Madinat Jumeirah.

Одморалиштето е поделено во летни куќи кои опфаќаат девет до единаесет соби за гости и еден апартман.

8. Aspen Ski Chalet by Kempinski – 3,539 долари за ноќ

Отпрвин беше тешко да се поверува, но сега ски куќата Аспен-Кемпински хотел, во трговскиот центар Емирати е една од најголемите атракции во Дубаи, главно заради нејзината необичност.

7. Armani Hotel Dubai – 3,811 долари за ноќ

Armani Hotel Dubai е првиот хотел дизајниран од Џиорџо Армани. Сместен во центарот на Дубаи во близина на Burj Khalifa, највисоката кула во светот, хотелот Армани се одликува со топла и софистицирана атмосфера и нуди италијански стил и персонализирана услуга за секој гостин.

6. Jumeirah Al Naseem – Madinat Jumeirah – 5,172 долари за ноќ

387 соби, 43 апартмани и 50 ресторани од светска класа и барови на Jumeirah Al Naseem не се помалку од импресивни на сите нивоа.

5. W Dubai – The Palm – 7,350 долари за ноќ

The Palm е веројатно едно од најпознатите места на Земјата и хотелот W Dubai го искористи токму тоа. Со повеќе од 350 соби и апартмани, со целосен поглед на вештачкиот остров, хотелот е очигледно еден од омилените на многу туристи со длабоки џебови.

4. Four Seasons Resort Dubai – 9,528 долари за ноќ

Одморалиштето Four Season Dubai во Jумеира е сместено пред водите на арапскиот залив и под зачудувачкото небо над градот Дубаи, нудејќи базен и салони на отворено, плус многу анимации како што се спортови на вода и пристап до многу ресторани, барови и ноќни клубови.

3. Burj al Arab – 10,890 долари за ноќ

The Burj al Arab е веројатно името што ѕвони во ушите на сите. Тој е првиот хотел во светот кој се закити со  седум sвезди и безброј пати ја однесе наградата за најлуксузен хотел во светот. Ролс-Ројс, хеликоптер, приватни плажи се некои од поволностите кои ги нуди хотелот.

2. Atlantis the Palm – 17,151 долари за вечер

Atlantis the Palm е тематски хотел кој ја следи приказната за изгубениот град Атлантида и има прекрасен аквариум во кој живеат 65.000 морски животни како главна карактеристика.

Гостите на располагање имаат точно една милја вештачка плажа.

1. Palazzo Versace Dubai – 20,962 долари за една ноќ

Името на најскапиот хотел во Дубаи е: Palazzo Versace Dubai, кој евоцира италијанска палата од 16 век во неокласичен стил со арапски архитектонски суптилности. Хотелот е вистински симбол на животниот стил на Версаче, со висококвалитетен италијански мебел, дизајниран и скроен од Версаче исклучиво за хотелот.

Palazzo Versace Dubai нуди 215 соби и апартмани и 169 резиденции, со 8 ресторани и барови, кои исто така го отсликуваат минатото на палатата кое своевремено служела како неформален простор за состаноци, јадење и уживање.