Малите гостиварски актери со добар пример за хуманост

Членовите на Драмското студио „Дунек“ од Гостивар несебично вложија дел од своето време и дадоа се` од себе за што поуспешна хуманитарна театарска изведба на комедијата „Чорбаџи Теодос“. Претставата се одигра вчерапопладне, а од публиката која дојде да ги гледа и да поддржи, беа собрани над 13 илјади денари. Парите ќе бидат наменети за помош на ранливи категории граѓани и семејства од подрачејто на Гостивар. Акцијата која ја иницираше здружението „Дунек“ треба да служи како пример за сите – дека постојат различни начини на кои може да се помогне на загрозените и дека секој од нас треба да придонесе во акции со добра цел.

Хуманитарната изведба на „Чорбаџи Теодос“ се организираше во соработка со Центарот за култура и група граѓани кои работат на полето на хуманоста.