Рецепти
Малку поинакви пуканки за уживање во вечерните часови пред телевизор
Последниов период вечерните часови ги поминуваме дома, најчесто со гледање филмови и серии. А се знае што најдобро оди заедно со убава филмска вечер – пуканките. Полни се со протеини, минерали и витамини, иако многумина го мислат спротивното, поздрави се од сите други “грицки“.
Брзо се подготвуваат, а обично ги јадеме само малку посолени или евентуално со путер. Но, за вечерта да биде малку поинтересна, еве неколку поразлични начини за подготовка на пуканки.
Солено – лути пуканки
Доколку сакате солено, но и луто. Откако ќе ги “испукате“ пуканките веднаш зачинете ги со мешавина од куркума и чили. Добро промешајте ги протресете ги, така што секоја солена пуканка ќе ја добие својата доза на лутина. Важно е веднаш да ги зачините за зачинот подобро да се впие во пуканките.
Солени пуканки со поинаков вкус
Подгответе ги пуканките како и вообичаено, но без да ги солите. Претходно, направете ја оваа солена мешавина со која ќе ги зачините.
За мешавината:
1 филџан сол
1/4 филџан ситно сецкано чадено месо
1/4 филџан пармезан
Сите состојки ставете ги во блендер, ставете го на најјако и смесата е готова. Можете да ја чувате и до еден месец.
Зебра карамелизирани пуканки
Ако пак сакате слатки пуканки овој начин е за вас. За подготовка на овие вкусни пуканки треба малку повеќе состојки и малку повеќе време, но верувајте, вреди секоја секунда потрошена за подготовка.
Состојки:
4 лажички путер
10 раце пченка за пуканки
1/2 рака кафен шеќер
морска сол
1 рака рендана темна чоколада
1 рака рендана бела чоколада
Загрејте ја рерната на 200 степени. Во посебен сад ставете го путерот, шеќерот и 2 лажички вода. Ставете го да се готви и повремено промешувајте. Растопената смеса измешајте ја со зрната од пченка и растурете ја на хартија за печење во поширок плек. Посолете и ставете ја во рерна.
Додека се пече смесата, околу 40 минути, растопете ја чоколадата, посебно белата, посебно темната. Откако ќе се растопи, наизменично поливајте над испечените пуканки и оставете ги на страна се додека не се стврдне, целосно, чоколадата.
Marshmallow пуканки
Вистинските американски пуканки не се солени, тие се Marshmallow пуканки. За подготовка ви требаат 8 минути.
Состојки:
8 Marshmallow кекс колачиња
1/2 филџан кафен шеќер
1/4 филџан путер
1 пакетче пченка за пуканки
Стандардно ги подготвувате пуканките, непосолени, а сите останати состојки промешајте ги и растопете ги на оган додека мешате. Прелијте ги пуканките и почекајте малку да се разладат.
Rainbow пуканки
За овие пуканки потребни ви се шарени трошки за торти и колачи, малку сол, шеќер и масло. Додека ги подготвувате ставете малку од шарените трошки, сол, шеќер и не заборавајте да го протресувате тенџерето додека ги “пукате“ пуканките. Веднаш после тоа, додека се врели истурете по желба од шарените трошки да растопат на пуканките, а додадете уште малку сол и шеќер за поинтензивен вкус и сервирајте, нормално со добар филм или серија.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk