Малолетник ја ограбил жената пред Сити Центар

Седумнаесетгодишник од селото Форино е крадецот кој во неделата ограби жена во Гостивар. Од полицијата информираат дека целосно е расчистена дрската кражба, која беше извршена врз 54-годишна гостиварка пред продавница во „Сити центар“ во Гостивар.

„Идентификуван и вчера лишен од слобода е 17-годишен малолетник од гостиварско Форино, кај кого е пронајдена одземената чанта која ќе и биде вратена на сопственичката. Малолетникот кој подоцна е пуштен, ќе се соочи со соодветен поднесок“, стои во соопштението од СВР.